Skip to main content

Gabatarwa akan Programming



 Assalamu alaikum,

             Mutane da dama masu son fara koyon programming (wato yaren na'ura mai kwakwalwa) ma’ana Computer da harshen turanci, amma basu san ta inda zasu fara ba. Wasu kuma sun rasa da wanne yare ya kamata su fara. Muna fatan InshaAllahu wannan rubutun zai taimaka ma duk wanda yake fuskantar irin wannan matsala da duk ire-iren wadannan matsalolin.

             Da farko shidai sanin ilimin programming language din da mutum ya kamata ya koya ya ta'allaka ne akan manufar menene mutum yake son zama ko kuma mene ne aikin da mutum yake so yayi. Bari in buga misali yanda kowa zai fahimta. Yanzu idan mutum zaije jami’a tun wajen rubuta jarabawar jamb zai yanke shawarar abinda yake so ya karanta a jami’a. To haka abun yake shima a wannan 6angaren.

Yanzu zamu dauki wasu daga cikin 6angarorin Programming sannan mu fadi programming language din da ake amfani dasu a wan nan 6angaren. Daga nan sai mutum yasan wane language ya kamata ya fara koya.

Website design and development: Wannan shine ilimin qirqirar dakuma qayatar da Websites,ya kunshi duk wasu tsare-tsare da zaka kawo a websites.Shidai wannan bangaren ya rabu zuwa gida biyu ne. Akwai ''Front-end'', wato bangaren da wanda ya ziyarci website din zai iya gani, da kuma ''Back-end'' wato bangaren da babu wanda zai iya gani sai wanda ya kirkiri manhajar. Programmig Languages din da ake amfani dasu a Front-end sune: Html 5, Css, React,Angular,JavaScript, dss... Sai kuma wadanda ake amfani dasu a Back-end sun hada da: Javascript, Php,Ruby,django,dss... . Programmers din dake Website design and development na iya zama “Front-end” ko kuma “back-end” developers.Zaka iya zaban guda daya a cikinsu ka koya ko kuma duka wanda ya’iya duka ana kiranshi da “Full-Stack developer”.

Mobile App development: Wannan shine ilimin kirkiran Application irin na waya. Misali kamarsu MX player, Xender,Opera mini,dss… A takaice dai duk Application da muke zuwa google Play Store mu dauku to su ake nufi. Akwai nau’ukan programming languages da yawa da ake amfani dasu wajen kirkiransu. Kamarsu: Flutter, Kotlin, C++, Java, Python dss... Amma programming languages din da suka fi karfi sannan kuma sanannu sune Java da Kotlin . Mafi yawancin Applications din da suke a Playstore da Java aka yisu. Amma yanzu Kotlin yazo ya wuce Java a 6angaren sanuwa da kuma sauki. Idanda ace mai karatu zai tambaya shawara ta idan zai paara mobile app developing to Ni kaina zan bashi shawarar ya ya koyi Kotlin ko Flutter ne ba Java ba, saboda Java yanada wahalan koyo sosai. 

Ba a wadannan 6angarori da’aka lissafo asama ne kawai ake amfani da programming languages ba, saidai kawai wadanan kamar gabatarwa ne akan Programming languages. Akwai 6angarori da yawan gaske wanda ake amfani dasu. Amma asalin sakon da nake so na isar shine dole sai mutum yasan aikin da zaiyi da programming language kafin ya fara koyanshi, bawai hakanan mutum zaije ya fara koyanshi ba.

InshaAllah a rubutun mu nagaba zamuyi cikakken bayani akan web development.

RUBUTU DA IKON MALLAKA shafin “Koyon Programming da hausa”.

Comments

Post a Comment

Popular posts from this blog

Muhimman bayanai akan Computer Programming

  MUHIMMAN BAYANAI AKAN COMPUTER PROGRAMMING Program: Jeri ne na umarni wanda CPU ke aiwatar dashi. Za'a iya bayyana program a matsayin jerin umarni wanda aka tsara, wanda idan aka aiwatar dashi yakan sanya kwamfuta tayi abin da ake so tayi. Haka zalika computer program jerin umarni ne masu nasaba da juna waɗanda ke baiwa kwamfuta umarnin yadda zata cim ma takamaiman aiki. Wannan dalilin yasa ba tare da program ba kwamfuta ba zata iya aiwatar da komai da komai b Programming: shine aikin rubuta code ko yin aiki domin rubuta computer program. Programmer: shine wanda yake rubuta code ko jerin umarni ga kwamfuta yayin programming. Code (source code): kalma ce wadda ake amfani da ita don bayyana rubutu wanda computer programmer yake rubuta shi ta amfani da dokoki da ƙa'idoji na wani programming language. Coding: wannan shine yin rubutu ko rubuta code. Computer language: shine yaren da kwamfuta take amfani da shi domin fahimtar aikin da aka umarce ta tayi. Programming Language: shin...
Post a Comment
Read more

Yanda Ake Koyon Programming

  YAYA AKE KOYON PROGRAMMING? A cikin wannan kasida, mun kawo muku wasu matakai da zaku bi domin koyon programming a saukake. Wadannan matakai sune kamar haka: 1. Zabar programming language 2. Farawa da kadan-kadan 3. Yin amfani da code din da wasu programmers din suka rubuta 4. Yawaita shiga dandalin programmers. 1. Zabar Programming language Sau da yawa masu koyon programming sukan rasa ko ma da wane programming language zasu fara. Wannan na faruwa saboda yawan programming languages da muke da su. Kuma a ko da yaushe ka tambayi masana akan wane programming ne yafi dacewa a fara da shi, zaka ji a ko da yaushe amsoshinsu na cin karo da juna. Wani programmer din idan ka tambaye shi sai y ace ka fara da java, a lokacin da wani zaya iya ce maka ka fara da C, shi kuma wani cewa zaya yi ka fara da swift, ko Ruby da dai makamantansu. Maganar gaskiya babu wani programming da za’a dauka a ce shine ya fi kowa ne programming saukin koyo, hasali ma dai, zaka iya fara ...
5 comments
Read more

TSOKACI A KAN YANDA AKE HADA WEBSITE(1)

  Gaba daya website ko kuma shafin internet za'a iya raba shi gida biyu ta la'akari da yanda ake hada shi (wato web design) da kuma abubuwan da ake amfani da su wajen hada shi. Hada website ko kuma web design ya kasu zuwa gida biyu kamar haka: 1. Sashen da ake iya gani idan an ziyarci website din (wato Front-end) 2. Sashen da mutum wanda ya ziyarci website din baya iya gani (wato Back-end) 1. SASHEN DA AKE GANI IDAN AN ZIYARCI WEBSITE(FRONT-END) Shi front-end, ko kuma sashen da ake gani idan an ziyarci website, ya kunshi duk wani dubaru da ake iya amfani da su wajen yin designing ko kuma tsara duk wani abu da ke a cikin website wanda idan mutum ya shiga website din zaya iya gani. Abubuwan da za'a iya gani a cikin website sun hada da hotuna, videos, rubutu, audio da dai sauransu. Ana amfani da abubuwa biyu zuwa uku ne wajen designing din front-end na website.  Na daya, kuma jagora daga cikin wadannan abubwa da ake hada website da su, shine HTML (Hypertext Markup Language). S...
1 comment
Read more